Bakı. 6 sentyabr. REPORT.AZ/ 2018-ci il dünya çempionatının final mərhələsinə vəsiqə qazanmış Səudiyyə Ərəbistanı milli komandasının futbolçuları hərəyə 5 milyon rial (1,1 milyon avro) mükafat alacaqlar.
"Report"un arabic.sputniknews.com-a istinadən verdiyi məlumata görə, ölkənin vəliəhd şahzadəsi Məhəmməd ibn Salman əl-Səudun vəd etdiyi bu mükafat idman nailiyyətləri tarixində rekord olacaq.
Ərəblər ötən gün Yaponiyanı 1:0 hesabı ilə yenərək, B qrupunda 2-ci pillənin sahibi kimi mundiala yüksəliblər.
Qeyd edək ki, Səudiyyə Ərəbistanı DÇ-2018-də iştirakı rəsmiləşən 8-ci ölkədir.