Yuxarı
    Bağlamaq

    Konfederasiyalar Kuboku: Portuqaliya və Meksika yığmaları yarımfinala yüksəlib - VİDEO

    Rusiya millisi isə qrupda qalıb

    Bakı. 24 iyun. REPORT.AZ/ Rusiyada keçirilən Konfederasiyalar Kubokunda bu gün III tura start verilib.

    "Report"un məlumatına görə, turun ilk oyun günündə "A" qrupunun qarşılaşmaları baş tutub.

    Kazanda Meksika Rusiya ilə görüşdə məğlub duruma düşdüyü halda, hesabı öz xeyrinə dəyişməyi bacarıb - 2:1. Üstəlik, qonşu ölkə komandası 68-ci dəqiqədə Yuri Jirkovun qırmızı vərəqə almasından sonra azlıqda qalıb.

    Sankt-Peterburqda son Avropa çempionu Portuqaliya isə qrupda qalacağı dəqiqləşən Yeni Zelandiyanı darmadağın edib - 4:0.

    Beləliklə, hərəyə 7 xal toplayan Portuqaliya və Meksika yığmaları qrupda ilk 2 yerin sahibləri kimi yarımfinala yüksəliblər. Üç xalı olan Rusiya ilə xalsız Yeni Zelandiya isə qrupda qalıb.

    Konfederasiyalar Kuboku

    24 iyun

    A qrupu, III tur

    19:00. Meksika - Rusiya - 2:1

    Qollar: Nestor Araujo, 30. Hirvinq Lozano, 52 - Aleksandr Səmədov, 25

    Qırmızı vərəqə: Yuri Jirkov, 68 (Rusiya)

    Baş hakim: Fahad əl-Mirdasi (Səudiyyə Ərəbistanı)

    "Kazan Arena"

    19:00. Yeni Zelandiya - Portuqaliya - 0:4

    Qollar: Kriştianu Ronaldu, 33. Bernardo Silva, 37. Andre Silva, 80. Luiş Nani, 90+1

    Baş hakim: Mark Geyger (ABŞ)

    "Sankt-Peterburq Arena"

    Xal durumu: Portuqaliya - 7, Meksika - 7, Rusiya - 3, Yeni Zelandiya - 0. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi