Bakı. 14 iyul. REPORT.AZ/ Futbol üsrə dünya çempionatında 3-cü yer uğrunda görüş keçirilib.
"Report"un məlumatına görə, Rusiyanın Sankt-Peterburq şəhərindəki eyniadlı stadionda təşkil olunmuş qarşılaşmada Belçika və İngiltərə milliləri üz-üzə gəlib.
Oyun Belçikanın 2:0 hesablı qələbəsi ilə yekunlaşıb. Hesabı 4-cü dəqiqədə Tomas Mönyö açıb. 82-ci dəqiqədə isə kapitan Eden Azar yekun nəticəni müəyyənləşdirib.
Bununla da Belçika millisi dünya çempionatları tarixində ilk dəfə medal qazanıb. "Qırmızı şeytanlar"ın bunadək ən böyük uğuru DÇ-1986-da 4-cü yer olub. Bu komandanın aktivində 1980-ci il Avropa çempionatında gümüş, AVRO-1972-də isə bürünc medal da var.
DÇ-2018
14 iyul
3-cü yer uğrunda oyun
18:00. Belçika – İngiltərə - 2:0
Qollar: Tomas Mönyö, 4. Eden Azar, 82
Hakimlər: Alireza Faqani, Reza Soxandan, Məhəmmədreza Mansuri (hamısı İran), Malanq Didyu, Cibril Kamara (hər ikisi Seneqal)
Sankt-Peterburq. "Sankt-Peterburq" stadionu.