Yuxarı
    Bağlamaq

    Azərbaycan yığmasının rəqibi yeni baş məşqçi ilə müqavilə bağlayıb

    Norveç milli komandasına yeni baş məşqçi təyin olunub

    Bakı. 1 fevral. REPORT.AZ/ 2018-ci il dünya çempionatının seçmə mərhələsində Azərbaycan yığması ilə eyni qrupda yer alan futbol üzrə Norveç milli komandasına yeni baş məşqçi təyin olunub. 

    "Report"un Norveç Futbol Federasiyasının rəsmi saytına istinadən verdiyi məlumata görə, bu, Lars Lagerbekdir. 

    Per Matias Höqmonu əvəzləmiş 68 yaşlı mütəxəssislə 2019-cu ilin ilk matçınadək müqavilə bağlanılıb. Onun ilk sınağı isə martın 26-da dünya çempionatının seçmə qrup mərhələsi çərçivəsində səfərdə Şimali İrlandiyaya qarşı olacaq.  Daha sonra skandinaviyalıları iyunun 10-da Çexiyaya qarşı səfər oyunu gözləyir. 

    Lagerbek baş məşqçi təyinatını belə şərh edib: "Bu çağırış mənə, sözün əsl mənasında mənə təkan verdi. Norveç yığmasının cari seçmə mərhələdəki nəticələri yaxşı deyil. Amma mən bu komandada potensial görür və nəyə qadir olduğunu bilirəm. Qarşıda iki çox vacib və həlledici oyunlarımız var. Bunlar çətin, məsuliyyətli və gərgin qarşılaşmalardır. Mən qarşıma qoyulan tapşırığın yerinə yetirilməsi üçün motivasiya olunmuşam". 

     Qeyd edək ki, Lars Lagerbek İsveç yığmasını 5, Nigeriyanı isə 1 dəfə seçmə mərhələlərdən "pley-off"a daşıyıb. Onun son iş yeri isə İslandiya millisi olub. Lagerbek bu komanda ilə Fransada keçirilmiş 2016-cı il Avropa çempionatında 1/8 final həyəcanı yaşayıb. Azərbaycan və Norveç yığmaları arasında Bakıda keçirilmiş ilk görüşdə meydan sahibləri qalib gəlib - 1:0. Oslodakı qarşılaşma sentyabrın 1-də olacaq. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi