Bakı. 1 sentyabr. REPORT.AZ/ Bu gün futbol üzrə Azərbaycan milli komandası 2018-ci il dünya çempionatının seçmə mərhələsində növbəti oyununu keçirəcək.
“Report”un məlumatına görə, C qrupunda yer alan Robert Prosineçkinin rəhbərlik etdiyi kollektiv Norveç yığmasının qonağı olacaq.
Paytaxt Oslodakı “Ullevaal” stadionunda baş tutan görüş hər iki tərəf üçün önəmlidir. Düzdür, seçmə mərhələnin ilk 3 oyununda 7 xal toplayan millimiz son 3 görüşdə uduzmaqla mundiala vəsiqə qazanmaq şansını azaldıb. Buna rəğmən, hələ də 2-ci yeri tutmaq imkanı var.
Yığma səfərdə skandinaviyalıları məğlub edəcəyi halda seçmə mərhələlərdə rekord sayda – 10 xal toplayacaq. Daha əvvəl 2014-cü il dünya çempionatının seçmə mərhələsində 9 xal əldə edilib.
Oslodakı matç Azərbaycan və Norveç komandalarının 6-cı dueli olacaq. Cari seçmə mərhələdə rəqibini Bakıda Maksim Medvedevin qolu ilə məğlub edən yığma, əvvəlki 4 qarılşamadan 3-də uduzub.
Həmin görüşlərdən ikisi 1998-ci il dünya çempionatının (0:1, 0:5), ikisi isə 2016-cı il Avropa çempionatının seçmə mərhələsinə təsadüf edib (0:1, 0:0). Müsbət məqam odur ki, milli komanda 2015-ci il iyunun 11-də Norveç yığması ilə qolsuz bərabərə qalıb.
2018-ci il dünya çempionatının seçmə mərhələsi
VII tur, C qrupu
1 sentybar.
22:45. Norveç – Azərbaycan
Baş hakim: Daniel Stefanski
Baş hakimin köməkçiləri: Robert Marcin Boniek, Dawid Golis
Dördüncü hakim: Bartosz Frankowski
(Hakimlər Poşadandır)
Hakim-inspektor: Jones Peter (İngiltərə)
Komissar: Nicolae Camelia (Rumıniya)
Oslo. “Ullevaal” stadionu
N | Komanda | O | Q | H | M | T/F | X |
1 | Almaniya | 6 | 6 | 0 | 0 | 27-1 | 18 |
2 | Şimali İrlandiya | 6 | 4 | 1 | 1 | 11-2 | 13 |
3 | Çexiya | 6 | 2 | 3 | 1 | 9-5 | 9 |
4 | AZƏRBAYCAN | 6 | 2 | 1 | 3 | 3-9 | 7 |
5 | Norveç | 6 | 1 | 1 | 4 | 6-10 | 4 |
6 | San Marino | 6 | 0 | 0 | 6 | 1-30 | 0 |