Avropa çempionatında meydan sahibləri açılış oyununda yenə 16 ildən sonra qalib gələ bilib

11 İyun , 2016 09:58

Bakı. 11 iyun. REPORT.AZ/ Futbol üzrə Avropa çempionatı çərçivəsində qrup turnirinin keçirilməyə başladığı vaxtdan meydan sahibləri açılış matçlarında 9 dəfə iştirak ediblər. "Report"un məlumatına görə, bu qarşılaşmalardan yalnız 3-ü təşkilatçı ölkə üçün uğurlu alınıb.

Ev sahiblərinin hər qələbəsini 16 illik zaman kəsiyi ayırır. 1984 və 2016-cı illərdə Fransa, 2000-ci ildə Belçika qələbə ilə başlayıb.

Qeyd edək ki, açılış oyununda fərqlənənlər arasında sonradan "Neftçi"də çıxış etmiş və klubdan 1 milyon dollar təzminat udan Emil Mpenza da var. O, 2000-ci ildə Belçikaya qələbə qazandıran topu vurubsa, bu dəfə Dimitri Payet eynihesablı qələbədə meydan sahiblərinin ikinci qolunun müəllifi olub. Meydan sahiblərinin ilk dəfə qələbə qazandığı AVRO-1984-də isə yeganə qolu UEFA prezidenti postundan kənarlaşdırılmış Mişel Platini vurub.

Avropa çempionatının açılış matçları:

İl	Şəhər	Matç	Hesab	Qollar
1980	Roma	Çexoslovakiya – AFR	0:1	Rummenige, 57
1984	Paris	Fransa – Danimarka	1:0	Platini, 78
1988	Düsseldorf	AFR - İtaliya	1:1	Breme, 56 - Mançini, 52
1992	Stokholm	İsveç - Fransa	1:1	Erikson, 24 - Papen, 59
1996	London	İngiltərə - İsveçrə	1:1	Şirer, 23 - Türkyılmaz, 83
2000	Brüssel	Belçika – İsveç	2:1	Qor, 43. Emil Mpenza, 46 - Mölbü, 53
2004	Portu	Portuqaliya - Yunanıstan	1:2	Kriştianu Ronaldu, 90+3 - Karaqunis, 7. Basinas, 51
2008	Bazel	İsveçrə – Çexiya	0:1	Sverkoş, 71
2012	Varşava	Polşa – Yunanıstan	1:1	Levandovski, 17 - Salpingidis, 71
2016	Sen-Deni	Fransa – Rumıniya	2:1	Jiru, 57. Payet, 89 – Stanku, 65