Yuxarı

Zakir Qaralov Kürdəmirdə vətəndaşları qəbul edəcək

Qəbul Kürdəmir rayon prokurorluğunun inzibati binasında keçiriləcək

Bakı. 10 fevral. REPORT.AZ/ Azərbaycanın baş prokuroru Zakir Qaralov fevralın 19-da Kürdəmirdə vətəndaşları qəbul edəcək. Baş Prokurorluqdan "Report"a verilən məlumata görə, rayon prokurorluğunun inzibati binasında keçiriləcək qəbulda Kürdəmir, Şamaxı, İsmayıllı, Ağsu, Qobustan və Göyçay rayonlarında yaşayan vətəndaşlar iştirak edə bilər.

Qəbula gəlmək istəyən vətəndaşların qeydiyyatı və Kürdəmir şəhərinə gəlmələri müvafiq rayon prokurorları tərəfindən təşkil olunacaq.

Vətəndaşlar yaşadıqları ərazi üzrə rayon prokurorluqlarına yazılı və ya şifahi müraciət etməklə yanaşı, Baş Prokurorluğun Müraciətlərə baxılması idarəsinin (012) 437-28-79-nömrəli telefonu-və contact@prosecutor.gov.az elektron poçt ünvanı vasitəsilə də qəbula yazıla bilərlər.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi