YAP üzvlük haqlarının artırılması barədə yayılan xəbərlərə münasibət bildirib

Bakı. 8 yanvar. REPORT.AZ/ “Yeni Azərbaycan Partiyasında üzvlük haqları artırılmayıb. Bu barədə yayılan xəbərlər həqiqəti əks etdirmir”.

Bunu “Report”a açıqlamasında hakim Yeni Azərbaycan Partiyası (YAP) İcra katibinin müavini Siyavuş Novruzov deyib.

O bildirib ki, partiyada üzvlük haqqının məbləği minimum 1 manatdır.

Qeyd edək ki, bəzi saytlarda YAP-da üzvlük haqlarının 1 manatdan 2 manata qaldırılması ilə bağlı məlumat yayılıb.