Yuxarı
    Bağlamaq

    YAP İdarə Heyətinin iclası keçirilib, deputatlığa namizədlərin siyahısı təsdiqlənib

    Bahar Muradova: İclas yaxşı keçdi, bir qədər sonra YAP-ın deputatlığa namizədlərinin siyahısı açıqlanacaq

    Bakı. 15 sentyabr. REPORT.AZ/ Hakim Yeni Azərbaycan Partiyasının (YAP) İdarə Heyətinin iclası keçirilib. 

    "Report" xəbər verir ki, toplantıda hakim partiyanı bu il noyabrın 1-də keçiriləcək parlament seçkilərində təmsil edəcək deputatlığa namizədlərin siyahısı müzakirə olunub. Müzakirələrdən sonra YAP İdarə Heyəti namizədlərin siyahısını təsdiqləyib.

    "Report"un YAP-ın qərargahı qarşısında olan əməkdaşı xəbər verir ki, artıq İdarə Heyətinin bir neçə üzvü YAP-ın binasını tərk edib. Onlar deyiblər ki, iclas yekunlaşıb. 

    YAP İdarə Heyətinin üzvü, Milli Məclis sədrinin müavini Bahar Muradova deyib ki, iclasda partiyanın deputatlığa namizədlərinin siyahısı müzakirə olunub: "İclas yaxşı keçdi. Bir qədər sonra deputatlığa namizədlərin siyahısı açıqlanacaq".  

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi