YAP-da ​Şəmsəddin Hacıyevə yeni vəzifə həvalə edilib

Bakı. 12 mart. REPORT.AZ/ Hakim Yeni Azərbaycan Partiyasının (YAP) Səbail rayon təşkilatının İdarə Heyətinin iclası keçirilib.

Partiyadan "Report"a verilən məlumata görə, iclasda təşkilati məsələlər müzakirə edilib.

YAP-ın Səbail rayon təşkilatının sədri vəzifəsinin icrası növbəti konfransa qədər təşkilatın İdarə Heyətinin üzvü, Milli Məclisin Elm və təhsil komitəsinin sədri, iqtisad elmləri doktoru Şəmsəddin Hacıyevə həvalə edilib.