Yuxarı
    Bağlamaq

    Xətai Rayon Polis İdarəsinin rəisinə “Əliağa Şıxlinski” medalı təqdim olunub

    Polis veteranları ilə gənc əməkdaşların görüşü keçirilib

    Bakı. 5 iyul. REPORT.AZ/ Yeni istifadəyə verilən Xətai Rayon Polis İdarəsinin inzibati binasında polis veteranları ilə gənc əməkdaşların görüşü keçirilib.

    Daxili İşlər Nazirliyinin Mətbuat xidmətindən "Report"a verilən məlumata görə, idarənin rəisi, polis polkovniki Muradəli Babayev Azərbaycanın sabitlik adası kimi bütün dünyanın diqqət mərkəzində olduğunu və məhz bunun nəticəsi olaraq beynəlxalq tədbirlərin, idman yarışlarının ölkəmizdə keçirildiyini, dilindən, dinindən aslı olmayaraq hər kəsin sülh və əmin-amanlıq şəraitində yaşadığını, mültikultiralizmin insanları birliyə və bərabərliyə çağıran ən ali dəyər kimi qorunub-saxlanıldığını da diqqətə çatdırıb.

    Bakı Şəhər Baş Polis İdarəsinin (BŞBPİ) rəisinin şəxsi heyətlə iş üzrə böyük köməkçisi, polis polkovniki Əli Vəliyev deyib ki, bu gün respublikada polis veteranı hərakatını gücləndirmək, ölkədə əmin-amanlığın qorunmasını, cinayətkarlığa qarşı qətiyyətli mübarizəni təmin etmək, cəmiyyətdə polis haqqında müsbət rəyin formalaşmasında iştirak etmək, onların təcrübəsindən yararlanmaq, eləcə də onların öz problemlərinin həllində kömək göstərmək məqsədilə görülən tədbirlər DİN rəhbərliyinin xüsusi nəzarətindədir.

    DİN Veteranlar Şurasının sədri Fərhad Süleymanov belə tədbirlərin keçirilməsində xüsusi həssaslıq göstərən, həm peşə borcuna sadiq olan, həm də vətəndaş mövqeyi nümayiş etdirərək cəmiyyətdə baş verən bəzi neqativ halların qarşısının alınmasında, xüsusilə də DİN rəhbərliyinin diqqət yetirdiyi əsas prioritetlərdən biri kimi gənclərlə işin qurulmasında polis veteranlarının təcrübəsindən yararlanan, mütəmadi olaraq, məktəblərdə, müxtəlif əmək kollektivlərində belə vacib görüşlər təşkil edən İdarə rəisinə öz təşəkkürünü bildirib.

    Qonaq qismində dəvət olunmuş BŞBPİ-nin Veteranlar Şurasının sədri Emin Məmmədov, Nərimanov RPİ-nin Veteranlar Şurasının sədri 84 yaşlı Paşa Kərimov və Xətai RPİ Veteranlar Şurasının sədri Nazim Xıdırov polis orqanlarının rəhbərlərinin veteranlarla işə verdikləri önəmin faydasından söz açıblar, xidmətdə olan həmkarlarımıza cinayətkarlıqla mübarizədə, asayişin qorunmasında yaradılmış şəraitdən, ali diqqət və qayğıdan məmnunluğunu bildiriblər.

    Gənc əməkdaşlar adından çıxış edən polis kapitanı Günel Həsənova özünün də polis ailəsində doğulduğunu, kiçik yaşlarından bu peşənin çətinliklərinin şahidi olduğunu, lakin vətənə, xalqa və dövlətçiliyə xidməti ilə qürur duyduğunu bildirib.

    Sonra digər çıxış edənlər bu tədbirin veteranlarla gənc əməkdaşlar arasındakı bağlılığın daha da möhkəmlənməsinə xidmət etdiyini deyiblər.

    Daha sonra Respublika Veteranlar Şurası adından polis polkovniki M.Babayevə “Əliağa Şıxlinski” medalı təqdim olunub.

    Tədbirə yekun vuran rəis, polis polkovniki Muradəli Babayev daxili işlər orqanlarının qarşısında duran vəzifələrin yerinə yetirilməsində, hüquqi biliklərin təbliğində, cinayətlərin açılmasında, profilaktikasında, təhlükəsizliyin təminində veteranların təcrübəsindən, ictimai nüfuzundan, bilik və bacarıqlarından bundan sonra da yararlanacaqlarını vurğulayıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi