Yuxarı

Vahid Azərbaycan Partiyası qurultaya yer ayrılması üçün VHP-yə müraciət edib

Qurultay iyunun 26-da keçiriləcək

Bakı. 17 iyun. REPORT.AZ/ Vahid Azərbaycan Partiyasının (VAP) qurultayının iyunun 19-da keçirilməsi nəzərdə tutulsa da, yer olmamasına görə təxirə salınıb.

Bunu "Report"a açıqlamasında VAP-ın Təşkilat komitəsinin sədri Tural Abbaslı deyib.

T.Abbaslı bildirib ki, qurultay iyunun 26-na təyin edilib: "Partiya qurultayının iyunun 19-da keçirilməsini planlaşdırmışdıq. Tədbirə yerin ayrılması üçün Beynəlxalq Mətbuat Mərkəzinə müraciət etdik. Lakin bizə yer olmadığı bildirildi. Biz də Vətəndaş Həmrəyliyi Partiyasına müraciət etdik. Mərkəzi qərargahlarında qurultayın keçirilməsi üçün bizə yer verilməsini xahiş etdik. Müsbət cavab verdilər".

Xatırladaq ki, bir müddət öncə, Müsavat Partiyasının başqanlığına sabiq namizəd, "Ağ blok"un həmtəsisçisi Tural Abbaslı və bir qrup tərəfdarı Müsavatdan istefa verərək VAP-a qoşulub.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi