Yuxarı

V çağırış Milli Məclisə sədr seçilib

İclasda Azərbaycan Prezidenti İlham Əliyev iştirak edib

Bakı. 24 noyabr. REPORT.AZ/ Milli Məclisin (MM) bu gün keçirilən iclasında parlamentin sədri vəzifəsinə deputat Oqtay Əsədovun namizədliyi irəli sürülüb. "Report" xəbər verir ki, Oqtay Əsədov Milli Məclisin sədri vəzifəsinə onun namizədliyinin irəli sürülməsinə görə Yeni Azərbaycan Partiyasının sədrinə və partiya həmfikirlərinə minnətdarlığını bildirib.

Hesablayıcı Komissiyanın sədri İsa Həbibbəyli səsvermənin keçirilməsi qaydaları haqqında məlumat verib.

O.Əsədov gizli səsvermə nəticəsində Milli Məclisin sədri vəzifəsinə seçilib. Səsvermədə iştirak edən 124 deputatın hamısı Oqtay Əsədovun namizədliyinin lehinə səs verib. 

Xatırladaq ki, V çağırış MM-in ilk iclasda Azərbaycan Prezidenti İlham Əliyev iştirak edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi