Yuxarı
    Bağlamaq

    Siyavuş Novruzov: "Valyutadəyişmə məntəqəsinin açılması üçün tələb olunan depozit düzgün qərar deyil"

    Valyutadəyişmə məntələqlərinin ləğvi ilə “qara bazar” yarandı

    Bakı. 25 aprel. REPORT.AZ/ "Valyutadəyişmə məntələqlərinin ləğvi ilə “qara bazar” yarandı. "Qara bazar"da da vətəndaşlar aldadılır. Vətəndaş bundan əziyyət çəkir”.

    “Report”un xəbərinə görə, bunu Milli Məclisin İctimai birliklər və dini qurumlar komitəsinin sədri, hakim Yeni Azərbaycan Partiyası (YAP) icra katibinin müavini Siyavuş Novruzov “Valyuta tənzimi haqqında” qanunda dəyişikliklərin müzakirəsi zamanı deyib.

    O, valyutadəyişmə məntəqələrinin bağlanmasına etirazını bildirib: “Axı bu var idi, sadəcə, təkmilləşdirmək olardı. Yenidən velosiped kəşf etməyə nə ehtiyac vardı ki?! 

    Bazar günləri bir neçə valyutadəyişmə məntəqələri fəaliyyət göstərir. Qarşısında da növbə olur. Məntəqələrin ləğvi nə üçün edilirdi, bunun nəyi ziyan ola bilərdi? Biri bunu izah etməlidir. Valyutadəyişmə məntəqəsinin açılması üçün tələb olunan depozit düzgün qərar deyil. Çünki məntəqəni işlədənin gəliri müxtəlif ola bilər. Onda gərək göyərti satandan da bankda depozitinin olmasını tələb edək”.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi