İsmayıllıda 20 Yanvar faciəsinin ildönümü ilə bağlı yürüş keçirilib - VİDEO

İsmayıllı. 20 yanvar. REPORT.AZ/ İsmayıllı rayonunda 20 Yanvar faciəsinin 29-cu ildönümü ilə bağlı Azərbaycanın müstəqilliyi uğrunda canından keçən şəhidlərin xatirəsinə həsr olunan yürüş keçirilib.

"Report"un Şirvan bürosunun xəbərinə görə, yürüşə İsmayıllı rayon İcra Hakimiyyətinin başçısı Mirdaməd Sadıqov, ictimaiyyət nümayəndələri qatılıblar.

Şəhidlərin ruhuna ehtiram ifadə olunub. 1990-cı ilin 20 yanvarında dinc insanlara qarşı törədilən dəhşətli hadisələr bir daha yada salınıb.