SOCAR kollektivi Şəhidlər Xiyabanını ziyarət edib

Bakı. 20 yanvar. REPORT.AZ/ Azərbaycan Respublikasi Dövlət Neft Şirkətinin (SOCAR) kollektivi Şəhidlər Xiyabanını ziyarət edib.

"Report" SOCAR-a istinadən xəbər verir ki, yanvarın 20-də SOCAR-ın rəhbərliyi və kollektivinin təmsilçiləri 20 Yanvar faciəsinin ildönümü ilə əlaqədar Şəhidlər Xiyabanını ziyarət edib, ölkəmizin müstəqilliyi və azadlığı uğrunda canlarını fəda etmiş şəhidlərin xatirəsinə bəslədikləri dərin ehtiramın ifadəsi olaraq, məzarları üzərinə tər çiçəklər düzüb, ruhları qarşısında baş əyib.