Sabahdan Prezident seçkiləri üçün seçki bülletenlərinin çapına başlanılacaq

Sabahdan Prezident seçkiləri üçün seçki bülletenlərinin çapına başlanılacaq Bakı. 23 mart. REPORT.AZ/ Sabah - martın 24-dən Azərbaycanda Prezident seçkiləri üçün seçki bülletenlərinin çapına başlanılacaq.
Daxili siyasət
118
23 Mart , 2018 14:19
Sabahdan Prezident seçkiləri üçün seçki bülletenlərinin çapına başlanılacaq

Bakı. 23 mart. REPORT.AZ/ Sabah - martın 24-dən Azərbaycanda Prezident seçkiləri üçün seçki bülletenlərinin çapına başlanılacaq.

"Report"un xəbərinə görə, bülletenlər Milli Məclisin mətbəəsində çap ediləcək. 

Ümumilikdə, 5 milyon 347 min 803 seçki bülleteninin hazırlanması nəzərdə tutulub.

MSK-nın təsdiqlədiyi Azərbaycan Prezidenti seçkilərinin hazırlanıb keçirilməsi üzrə əsas hərəkət və tədbirlərin Təqvim Planına əsasən, bülletenlərin çapı səsvermə gününə ən azı 10 gün qalmış, yəni aprelin 1-dək başa çatdırılmalıdır.

MSK səsvermə gününə azı 5 gün qalmış, yəni aprelin 6-dək seçki bülletenlərini dairə seçki komissiyalarına verməlidir. Səsvermə gününə azı 3 gün qalmış, yəni aprelin 8-dək dairə seçki komissiyaları seçki bülletenlərini məntəqə seçki komissiyalarına paylamalıdırlar.  

Qeyd edək ki, Azərbaycanda prezident seçkiləri aprelin 11-nə təyin edilib. Ölkədə 5 milyon 309 min 434 seçici var. Seçki Məcəlləsinə əsasən, seçki bülletenlərinin sayı seçicilərin sayından 3 faiz artıq olmalıdır.

Orphus sistemi