Sabah Nazirlər Kabineti Milli Məclisdə hesabat verəcək

Bakı. 16 mart. REPORT.AZ/ Sabah - martın 17-də Azərbaycan Milli Məclisinin plenar iclası keçiriləcək. "Report" xəbər verir ki, iclasda  Azərbaycan Respublikası Nazirlər Kabinetinin 2014-cü ildə fəaliyyəti haqqında hesabatı dinləniləcək.

Hesabatı parlamentdə baş nazir Artur Rasi-zadənin təqdim etməsi nəzərdə tutulub. Hesabatla bağlı müzakirələrin iki gün davam edəcəyi gözlənilir.