Yuxarı
    Bağlamaq

    ​Razi Nurullayevin AXCP ilə bağlı iddiasına baxılacaq məhkəmə iclasının tarixi açıqlanıb

    Məhkəmə prosesi hakim Tahirə Əsədovanın sədrliyi ilə keçiriləcək

    Bakı. 14 dekabr. REPORT.AZ/ Razi Nurullayevin Azərbaycan Xalq Cəbhəsi Partiyası (AXCP) ilə bağlı iddiasına dekabrın 28-də 1 saylı Bakı İnzibati-İqtisadi Məhkəməsində baxılacaq.

    Bu barədə "Report"a R.Nurullayev məlumat verib.

    O bildirib ki, məhkəmə prosesi hakim Tahirə Əsədovanın sədrliyi ilə keçiriləcək.

    Xatırladaq ki, Razi Nurullayevin rəhbərlik etdiyi AXCP-nin oktyabrın 18-də etimad qurultayı keçirilib, gizli səsvermə ilə R.Nurullayev sədr seçilib. Qurultayın nəticələrinin dövlət reyestrinə daxil edilməsi üçün sənədlər Ədliyyə Nazirliyinə təqdim olunsa da, nazirlik məhkəməyə müraciət etməyi tövsiyə edib.

    Nazirlik eyni qərarı Əli Kərimli ilə də bağlı verib. Nazirlik sentyabrın 27-də keçirilən qurultayın nəticələrini tanımayıb. Ə.Kərimli də 1 saylı Bakı İnzibati-İqtisadi Məhkəməsinə müraciət edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi