Ramin Bayramlı: "Neqativ istiqamətdə dəyişiklik görsək, yenidən Operativ Qərargaha müraciət ediləcək"

"Narıncı zona hesab edilən ərazilərdə yenidən neqativ istiqamətdə dəyişiklik görsək, yenidən Nazirlər Kabineti yanında Operativ Qərargaha müraciət ediləcək".

"Report" xəbər verir ki, bunu TƏBİB-in İdarə Heyətinin sədri Ramin Bayramlı Qərargahın brifinqində çıxışı zamanı deyib.

Nazirlər Kabinetinin Mətbuat xidmətinin rəhbəri İbrahim Məmmədov isə qeyd edib ki, dalğalanma bütün ölkələrdə var:

"Əsas odur ki, vəziyyət nəzarət altında saxlansın".