Qüdrət Həsənquliyev Prezidentliyə namizədliyini irəli sürüb

Qüdrət Həsənquliyev Prezidentliyə namizədliyini irəli sürüb Onun sənədləri Mərkəzi Seçki Komissiyasına təqdim edilib
Daxili siyasət
158
12 Fevral , 2018 15:13
Qüdrət Həsənquliyev Prezidentliyə namizədliyini irəli sürüb

Bakı. 12 fevral. REPORT.AZ/ Milli Məclisin deputatı, Bütöv Azərbaycan Xalq Cəbhəsi Partiyasının (BAXCP) sədri Qüdrət Həsənquliyevin aprelin 11-nə təyin olunan növbədənkənar prezident seçkilərində namizədliyi irəli sürülüb.

“Report”un xəbərinə görə, Q.Həsənquliyevin namizədliyinin irəli sürülməsinin təsdiq olunması üçün sənədlər Mərkəzi Seçki Komissiyasına təqdim edilib.

Qeyd edək ki, Prezident İlham Əliyev “Növbədənkənar Azərbaycan Respublikası Prezidenti seçkilərinin elan edilməsi haqqında” sərəncam imzalayıb. Sərəncamla Mərkəzi Seçki Komissiyasına (MSK) növbədənkənar Azərbaycan Respublikası Prezidenti seçkilərinin 2018-ci il aprelin 11-nə təyin olunmasını və Azərbaycan Respublikasının Seçki Məcəlləsində müəyyən edilmiş qaydada keçirilməsini təmin etmək tapşırılıb. MSK növbədənkənar Prezident seçkilərini aprelin 11-nə təyin edib.

Son xəbərlər

Orphus sistemi