Qərargahdan 190 manat açıqlaması

"Yardım almaq üçün vətəndaşlar mütləq işsiz kimi qeydiyyatdan keçməlidir".

"Report" xəbər verir ki, bunu Nazirlər Kabinetinin Mətbuat Xidmətinin rəhbəri İbrahim Məmmədov deyib.

O qeyd edib ki, bu məbləğ vətəndaşlara evdə oturaraq karantin rejiminə əməl etməsi üçün verilir.

"Kontekstdən çıxarıb baxanda bu məbləğ az görünə bilər, amma nəzərə alaq ki, onların övladlarının təhsil haqqı dövlət tərəfindən ödəniləcək. Bundan başqa, çox sayda ictimai iş yerləri açılacaq. Ehtiyacı olanlara daim yardımlar davam edəcək".