Video əlavə olunub
Daxili işlər orqanlarının əməkdaşları vaksinasiya edilir.
“Report” xəbər verir ki, polis əməkdaşlarının peyvəndlənməsi Daxili İşlər Nazirliyinin (DİN) Tibb İdarəsinin A.Heydərov adına Respublika Hospitalında, həmçinin 1 və 2 saylı poliklinikalarında həyata keçirilir.
DİN Tibb İdarəsinin şöbə rəisi Loğman Zeynalov "Report" a açıqlamasında bildirib ki, Bakı şəhərində polislərin vaksinasiyasına fevralın 6-dan başlanılıb və könüllülük əsasındadır.
Onun sözlərinə görə, respublikanın rayon və şəhərlərində polislərin vaksinasiyasını TƏBİB və Səhiyyə Nazirliyinin müalicə-profilaktika müəssisələri həyata keçirəcək və yaxın vaxtlarda başlanacaq.
Hospitalın cərrahiyyə şöbəsinin baş tibb bacısı Tükəzban Əzizova “Report”a bildirib ki, indiyədək vaksin vurulan polis əməkdaşlarının heç birində əlavə təsir qeydə alınmayıb.