Yuxarı
    Bağlamaq

    Ötən il Azərbaycanda insan alveri ilə bağlı 166 cinayət aşkar edilib

    Heydər Heydərov: İnsan alveri ilə bağlı cinayətlərin sayı azdır və ümumi cinayət sayının heç bir faizini təşkil etmir

    Bakı. 12 iyun. REPORT.AZ/ Ötən il Azərbaycanda insan alveri ilə bağlı 166 cinayət aşkar edilib.

    "Report" xəbər verir ki, bu barədə Azərbaycan Daxili İşlər Nazirliyinin İnsan Alverinə Qarşı Mübarizə Baş İdarəsinin rəhbəri Heydər Heydərov "Azərbaycanda insan alverinə qarşı mübarizədə milli imkanların gücləndirilməsi" mövzusunda baş tutan konfransda bildirib.

    Onun sözlərinə görə, 12 il ərzində insan alveri işləri üzrə 486 nəfər cinayət məsuliyyətinə cəlb edilib, 1078 cinayət işi araşdırılıb, insan alverinin 761 qurbanı təsbit edilərək cəmiyyətə reinteqrasiya olunub.

    H.Heydərov qeyd edib ki, Azərbaycanda həmişə insan alverinə qarşı mübarizə məsələsinə ciddi yanaşılıb və bu cür cinayətlərə qarşı sistemli mübarizə aparılıb.

    "Bu istiqamətdə beynəlxalq təşkilatlarla əməkdaşlıq daim nəzarəti altındadır", - idarə rəhbəri bildirib.

    Eyni zamanda, o vurğulayıb ki, Azərbaycanda insan alveri ilə bağlı cinayətlərin sayı azdır və ümumi cinayət sayının heç bir faizini təşkil etmir. Məsələn, 2015-ci ildə 26916 cinayətdən yalnız 128-i insan alveri ilə bağlı olub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi