Bakı. 1 aprel. REPORT.AZ/ Keçən il Azərbaycan Ali Məhkəməsinin məhkəmə kollegiyalarında plenum icraatında cəmi 11095 iş olub. "Report"un xəbərinə görə, bu, Ali Məhkəmənin 2015-ci il fəaliyyətinə dair məlumatında əksini tapıb.
O cümlədən, Cinayət Kollegiyasında 2609 nəfər haqqında 2307 iş, Hərbi Kollegiyada 175 nəfər haqqında 154 iş, Mülki Kollegiyada 6314 iş, İnzibati-İqtisadi Kollegiyada 2308 iş (inzibati 1885 iş, iqtisadi 423 iş), plenumda isə 12 iş olub.
"Ötən il məhkəmə kollegiyalarında və plenumun icraatında olan 11095 işdən cəmi 9404 işə baxılıb. 2015-ci ildə baxılmış işlərin sayı 2014-cü illə müqayisə 736 iş artıb", - məlumatda bildirilib.