Yuxarı

Oqtay Əsədov: "Mətbuatdan xahiş edirəm ki, hər məsələni bu qədər şişirtməsinlər"

İnsanlar da elə başa düşəcək ki, aləm dağılır və xeyir ola birdən-birə belə iclas keçirirlər?

Bakı. 18 mart. REPORT.AZ/ "Milli Məclisin Daxili Nizamnaməsinə əsasən bir ayda iki dəfə iclas keçirilə bilər. Əlavə iclasın keçirilməsi də parlamentin öz işidir. İclasın gündəliyində də 1, 5 və ya 25 məsələ də ola bilər. Ötən gün mətbuatda qeyd olunub ki, bu gün üçün parlamentin növbədənkənar, xüsusi iclası çağırılıb. Bu nə deməkdir?!"

"Report"un xəbərinə görə, bunu Milli Məclisin plenar iclasında parlament sədri Oqtay Əsədov deyib.

Onun sözlərinə görə, növbədənkənar iclas o zaman ola bilər ki, sessiya iclasları tamamilə qapansın və bundan sonra yeni növbədənkənar iclas çağırılsın: "Bir çox qəzetlərdə isə "fövqəladə iclas" başlığı qoyublar. İnsanlar da elə başa düşəcək ki, aləm dağılır və xeyir ola birdən-birə belə iclas keçirirlər? Mətbuatdan xahiş edirəm ki, hər məsələni bu qədər şişirtməsinlər".

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi