Yuxarı
    Bağlamaq

    Oqtay Əsədov: “AŞPA-nın yaz sessiyasında Türkiyəyə qarşı yanlış addım atıldı”

    Səməd Seyidov: Bu addımla Türkiyəni Avropadan ayırmağa çalışırlar”

    Bakı. 2 may. REPORT.AZ/ “Avropa Şurası Parlament Assambleyasının yaz sessiyasında Türkiyəyə qarşı yanlış addım atıldı. Türkiyəni post-monitorinqdən monitorinqə keçirdilər”.

    “Report”un xəbərinə görə, bunu Milli Məclisin bu gün keçirilən plenar iclasında spiker Oqtay Əsədov deyib.

    O bildirib ki, Türkiyə Avropa Şurası Parlament Assambleyasının əsasını qoyan ölkələrdən biridir.

    Milli Məclisin Beynəlxalq münasibətlər və parlamentlərarası əlaqələr komitəsinin sədri Səməd Seyidov da çıxışında AŞPA-nın bu addımını tənqid edib. O deyib ki, burada ikili standartlardan çıxış edilib: "AŞPA-nın məsələlərə ikili standartlarla yanaşması yaz sessiyasında pik həddə çatdı. Türkiyə ilə bağlı məruzə hazırlanmışdı. 13 il əvvəl monitorinqdən post-monitorinqə keçirilmişdi. Yaz sessiyasında yenidən monitorinqə qaytarıldı. Türkiyə siyasətçiləri bildirmişdi ki, fikir mübadiləsi aparmağa hazırdılar. Bu addımla Türkiyəni Avropadan ayırmağa çalışırlar”.

    S.Seyidov qeyd edib ki, Avropa Şurasında yaranmış vəziyyət burada böhranın olduğunu göstərir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi