Nazir: “Son 5 ildə Ədliyyə Nazirliyinə 65 mindən çox beynəlxalq sənəd və sorğu daxil olub”

Bakı. 22 noyabr. REPORT.AZ/ “Son 5 ildə Ədliyyə Nazirliyinə 65 mindən çox beynəlxalq sənəd və sorğu daxil olub, xarici dövlətlərə 55 mindən artıq sənədlər göndərilib, 4 minədək beynəlxalq sənəd layihəsinin hüquqi ekspertizası keçirilib”.

“Report” xəbər verir ki, bunu Azərbaycanın ədliyyə naziri Fikrət Məmmədov deyib.

Nazir qeyd edib ki, ədliyyə işinin təkmilləşdirilməsində beynəlxalq tərəfdaşlarla səmərəli əlaqələrə, mütərəqqi təcrübələrin öyrənilməsinə xüsusi əhəmiyyət verilir: “Ədliyyə Nazirliyi 16 çoxtərəfli mühüm konvensiya üzrə əlaqələndirici və ya səlahiyyətli orqan kimi müəyyən olunub, 30-dan çox beynəlxalq müqavilə və 32 dövlətin ədliyyə qurumları ilə əməkdaşlıq haqqında sazişlər üzrə xarici tərəfdaşlarla səmərəli əməkdaşlıq edir”.