Yuxarı

Nazir: “Azərbaycanda meşə örtüyü artır"

Hüseynqulu Bağırov: Azərbaycan bu sahədə post-sovet ölkələri arasında birincidir

Bakı. 30 iyun. REPORT.AZ/ “Azərbaycanda meşə örtüyü artmağa başlayıb". 

“Report”un xəbərinə görə, bunu Azərbaycanın ekologiya və təbii sərvətlər naziri Hüseynqulu Bağırov bildirib.

Onun sözlərinə görə, Azərbaycan bu sahədə nadir ölkələrdəndir və post-sovet ölkələri arasında birincidir: "Azərbaycan bu sahədə Gürcüstandan da xeyli irəlidədir. Meşə örtüyü çox az ölkələrdə təbiidir. Bir çox ölkələrdə meşələşmə hətta azalma ilə davam edir”.

Nazir deyib ki, Azərbaycanda mühafizə olunan ərazi 1 milyon hektarı keçib: “Bu, ölkəmiz üçün nailiyyətdir. Meşələr kifayət qədər yaxşı mühafizə olunurlar”.

H.Bağırov qeyd edib ki, insanlar təbiəti qorumaqda maraqlı olmalıdırlar: “Bu gün bir hektarda 47 qoyunun otarıldığı rayonlar var. Buna torpaq dözərmi?! Əslində, bir hektarda 2-3 qoyun saxlanıla bilər. Bu, sovet dövründə də belə idi”.

Nazir, həmçinin vurğulayıb ki, Azərbaycanda su ehtiyatı nisbətən az olduğundan qənaətlə istifadə olunur.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi