Naxçıvanın 95 illik yubileyinə dair Tədbirlər Planı təsdiq edilib

Bakı. 21 yanvar. REPORT.AZ/ Naxçıvan Muxtar Respublikasının 95 illik yubileyinə həsr olunmuş Tədbirlər Planı təsdiq edilib.

"Report"un məlumatına görə, Naxçıvan Muxtar Respublikası Ali Məclisinin Sədri Vasif Talıbov yanvarın 21-də bununla bağlı sərəncam imzalayıb.

Qeyd edək ki, Naxçıvanın muxtariyyət statusu 1921-ci ildə imzalanmış Beynəlxalq Moskva və Qars müqavilələrinə əsaslanır. Naxçıvan Muxtar Respublikası 1924-cü il fevralın 9-da yaradılıb. Naxçıvan Muxtar Respublikasının yubileyləri bundan əvvəl də dövlət səviyyəsində geniş qeyd olunub.