Yuxarı
    Bağlamaq

    Narkotik maddə satmaqda təqsirləndirilən "bomj"a hökm oxunub

    O, 6 il müddətinə azadlıqdan məhrum edilib

    Bakı. 23 fevral. REPORT.AZ/ Bu gün Bakı Ağır Cinayətlər Məhkəməsində qanunsuz narkotik vasitələrinin dövriyyəsində təqsirləndirilən Siyavuş Məmmədovun cinayət işi üzrə məhkəmə prosesi başa çatıb.

    “Report"un xəbərinə görə, hakim Faiq Qəniyevin sədrliyi ilə keçirilən prosesdə hökm oxunub.

    Məhkəmənin hökmü ilə S.Məmmədov 6 il müddətinə azadlıqdan məhrum edilib.

    Qeyd edək ki, S.Məmmədov hüquq-mühafizə orqanları əməkdaşları tərəfindən saxlanılarkən onun üzərindən 6 kq marixuana aşkarlanıb.

    O, Cinayət Məcəlləsinin 234.4.3-ci (qanunsuz narkotik maddələrinin dövriyyəsində, külli miqdarda törəldildikdə) maddəsi ilə ittiham olunub.

    Xatırladaq ki, S.Məmmədov əvvəllər səfil həyatı ("bomj") yaşayıb. O, daha əvvəl də bir neçə il müddətinə azadlıqdan məhrum edilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi