Yuxarı
    Bağlamaq

    Müsavat Partiyasının Qadınlar Birliyi buraxılıb

    Baş vermiş proseslərə etiraz əlaməti olaraq, Müsavat Qadınlar Birliyi özünü buraxmış elan edir

    Bakı. 3 iyun. REPORT.AZ/ Müsavat Partiyasının Qadınlar Birliyi bəyanat yayıb. "Report"a daxil olan bəyanatda bildirilir ki, Müsavat Partiyasının VIII qurultayından sonra formalaşan yeni rəhbərliyin partiyadaxili demokratiyanı zədələyən addımlar atması, fərqli düşünən insanlara qarşı ağır cəza metodikasından istifadə etməsi, ümumi maraqların getdikcə qrup maraqlarına qurban verilməsi, M.Ə.Rəsulzadənin miras qoyduğu ideoloji və siyasi mübarizə yolundan sapmalar bir çox vicdanlı müsavatçılar kimi Qadınlar Birliyinin üzvlərini də narahat edir.

    "Zaman-zaman partiya rəhbərliyinə öz iradlarını bildirən Müsavat Qadınlar Birliyinin üzvləri demokratik ab-havanın yenidən bərqərar olacağı ümidi ilə gözləsələr də, təəssüf ki, gözləntilər özünü doğrultmadı. Partiyanın Qadınlar Birliyinin sədri Ellada Məmmədli əsassız bəhanələrlə Nizamnaməyə zidd olaraq partiyadan xaric edildi. Bir çox tanınmış müsavatçı xanımlar buna etiraz olaraq partiyadan istefa verdilər. Lakin bu müddət ərzində partiyanın siyasi kursunda rəhbərliyin "qisasçılıq" metodikasından başqa dəyişən bir şey olmadı. Artıq Müsavat Partiyasının Qadınlar Birliyini təşkil edən üzvlər belə bir birliyin fəaliyyət göstərməsinə ehtiyac olmadığını dərk edərək, Müsavat Qadınlar Birliyinin buraxılmasını bəyan edirlər. Baş vermiş proseslərə etiraz əlaməti olaraq, Müsavat Qadınlar Birliyi özünü buraxmış elan edir", - sənəddə qeyd olunub.

    Bəyanatı Müsavat Partiyası Qadınlar Birliyinin aşağıdakı şura üzvləri imzalayıblar: 

    1.Ağayeva Lalə - şura üzvü

    2.Muradova Nəzakət - şura üzvü

    3.Mütəllimova Gülnar - şura üzvü

    4.Kərimova Südabə - şura üzvü

    5.Qurbanova Xalidə - MQB sədr müavini, şura üzvü

    6.Cərullayeva Dünyaxanım - MQB sədr müavini, şura üzvü

    7.İskəndərova Sevinc - MQB sədr müavini, şura üzvü

    8.Xatirə Abdullayeva - şura üzvü

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi