Bakı. 12 aprel. REPORT.AZ/ "Bolqarıstan seçkilərin keçirilməsi məsələsində Azərbaycanın təcrübəsini öyrənə bilər".
"Report" xəbər verir ki, bunu Azərbaycanda keçirilmiş Prezident seçkilərinin müşahidəsində iştirak edən Bolqarıstan parlamentinin deputatı Aleksandr Simov deyib.
O, müşahidə zamanı heç bir qanun pozuntusu aşkar etmədiklərini bildirib: "Proses demokratik, şəffaf oldu. Seçki prosesi texnologiyası, seçkilərdə yüksək seçici fəallığı xoşuma gəldi. Bolqarıstanda normal fəallıq olur - 40%. Burada isə məntəqələrə istəklə gəlirlər. Bu, demokratik prosesin əlamətidir. Həmişə təkmilləşdirmək və inkişaf etdirmək üçün bir şey olur. Azərbaycanda bəzi texnologiyaların olduğunu və bunun Bolqarıstanda tətbiq edilə biləcəyini gördük. Prosesə son dərəcə müsbət yanaşıram", - A.Simov bildirib.