MSK-nın sədr müavini: “İndiyə qədərki seçki prosesi qənaətbəxşdir, şikayət yoxdur"

“İndiyə qədərki seçki prosesi qənaətbəxşdir. Hava şəraitinə baxmayaraq, səsvermə fəallıq şəraitində davam edir".

“Report” xəbər verir ki, bunu Mərkəzi Seçki Komissiyasının sədr müavini Rövzət Qasımov deyib.

O bildirib ki, bu seçki qızğın mübarizənin getdiyi seçki kimi Azərbaycan tarixində qalacaq.

R.Qasımov bildirib ki, indiyə qədər MSK-ya şikayət xarakterli məlumat daxil olmayıb: "Mərkəzi Seçki Komissiyasının "qaynar xətt"inə indiyə qədər 50-dən artıq müraciət daxil olub. Bütün müraciətlər sorğu xarakterlidir".