Yuxarı

Milli Şuranın mitinqinin təşkilatçıları polisə çağırılıb

Dəvət keçiriləcək mitinqlə bağlıdır

Bakı. 9 sentyabr. REPORT.AZ/ Milli Şuranın sentyabrın 11-nə təyin etdiyi mitinqin təşkilatçıları Bakı Şəhər Baş Polis İdarəsinə (BŞBPİ) çağırılıb.

Bu barədə "Report"a Milli Şuranın Koordinasiya Mərkəzinin üzvü Eldəniz Quliyev məlumat verib.

O deyib ki, bu gün saat 17:00-da Bakı Şəhər Baş Polis İdarəsində olacaqlar. E.Quliyev dəvətin mitinqlə əlaqədar olduğunu qeyd edib.

E.Quliyev onu da bildirib ki, Bakı Şəhər İcra Hakimiyyəti mitinqin saatını irəli çəkməyi təklif edib: "Biz bu məsələni Milli Şuranın Koordinasiya Şurasında müzakirə etdik. Qərara gəldik ki, keçirələcək aksiyanın saatı dəyişdirilməsin".

Qeyd edək ki, Milli Şura sentyabrın 11-də, saat 17:00-dan 19:00-dək Yasamal rayonundakı İdman Sağlamlıq Komplekisinin stadionunda (keçmiş "Məhsul) mitinq keçirmək niyyətindədir. Bakı Şəhər İcra Hakimiyyəti (BŞİH) mitinqin keçirilməsinə razılıq verib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi