Yuxarı

Milli Şuranın mitinqinin təşkilatçıları Bakı Şəhər Baş Polis İdarəsinə çağırılıb

Onlar sabah polis idarəsində olacaqlar

Bakı. 15 sentyabr. REPORT.AZ/ Milli Şuranın sentyabrın 17-nə təyin etdiyi mitinqin təşkilatçıları Bakı Şəhər Baş Polis İdarəsinə (BŞBPİ) çağırılıb.

Bu barədə "Report"a Milli Şuranın Koordinasiya Mərkəzinin üzvü Eldəniz Quliyev məlumat verib.

O deyib ki, sabah saat 16:30-da Bakı Şəhər Baş Polis İdarəsində olacaqlar. E.Quliyev dəvətin mitinqlə əlaqədar olduğunu bildirib.

Qeyd edək ki, Milli Şura sentyabrın 17-də, saat 15:00-dan 17:00-dək Yasamal rayonundakı İdman Sağlamlıq Komplekisinin stadionunda (keçmiş "Məhsul) mitinq keçirmək niyyətindədir. Bakı Şəhər İcra Hakimiyyəti (BŞİH) mitinqin keçirilməsinə razılıq verib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi