Yuxarı

Milli Məclisin yaz sessiyasının ilk iclasının gündəliyi açıqlanıb

Fevralın 1-də keçiriləcək iclasın gündəliyinə 16 məsələnin müzakirəsi daxil edilib

Bakı. 25 yanvar. REPORT.AZ/ Milli Məclisin yaz sessiyasının ilk plenar iclasının gündəliyi açıqlanıb. 

Parlamentin mətbuat katibi Akif Təvəkküloğlu "Report"un sorğusuna cavab olaraq bildirib ki, fevralın 1-də keçiriləcək ilk iclasın gündəliyinə 16 məsələnin müzakirəsi daxil edilib.

Onun sözlərinə görə, iclasda Milli Məclisin İntizam və Hesablayıcı komissiyalarının yenidən formalaşdırılması, komitələrin yeni üzvlərinin təsdiqlənməsi, həmçinin parlamentin 2016-cı il yaz sessiyasının qanunvericilik işləri planının təsdiq olunması məsələlərinə baxılacaq.

Bundan başqa, gündəliyə Azərbaycanın bir neçə ölkələrlə imzaladığı hökumətlərarası sazişlərin təsdiqi məsələsi daxil edilib. 

Eyni zamanda, iclasda "Polis haqqında", "Əməliyyat-axtarış fəaliyyəti haqqında" qanunlara, Miqrasiya, Cinayət Prosessual və İnzibati Xətalar məcəllələrinə, eləcə də bir sıra qanunlara əlavə və dəyişikliklər edilməsi məsələlərinə baxılacaq. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi