Yuxarı

Milli Məclisə seçkilərlə bağlı 5 milyon 250 min bildiriş çap ediləcək

Bildirişin mətni, forması, sayı və hazırlanması qaydası təsdiqlənib

Bakı. 31 avqust. REPORT.AZ/ Azərbaycan Mərkəzi Seçki Komissiyasının (MSK) iclası keçirilib.
“Report”un məlumatına görə, iclasda bu il noyabrın 1-nə təyin edilən Milli Məclisə seçkilərdə səsvermənin yeri və vaxtı barədə seçicilərin məlumatlandırılmasına dair bildirişin mətni, forması, sayı və hazırlanması qaydası təsdiqlənib.

Qayda ilə bağlı MSK sədrinin müavini Natiq Məmmədov məlumat verib. O deyib ki, bildirişlərdə səsvermə ilə bağlı geniş, müfəssəl məlumat verilir. O qeyd edib ki, bu seçkilərdə bildirişlərin say 5 milyon 250 min ədəd olacaq.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi