Mikayıl Cabbarov müharibədə iştirak edən nazirliyin əməkdaşları ilə görüşdü

Mikayıl Cabbarov müharibədə iştirak edən nazirliyin əməkdaşları ilə görüşdü Vətən Müharibəsi iştirakçıları arasında İqtisadiyyat Nazirliyinin 131 əməkdaşı da var
Daxili siyasət
2 Fevral , 2021 13:25
Mikayıl Cabbarov müharibədə iştirak edən nazirliyin əməkdaşları ilə görüşdü
Mikayıl Cabbarov

Bu gün İqtisadiyyat naziri Mikayıl Cabbarov rəhbərlik etdiyi qurumun Vətən Müharibəsində iştirak etmiş əməkdaşları ilə görüşüb.

"Report" bu barədə nazirliyə istinadən xəbər verir.

Videoformatda keçirilən görüşdə İqtisadiyyat Nazirliyinin vəzifəli şəxsləri və Nazirliyə tabe strukturların rəhbərləri iştirak edib.

Əvvəlcə İqtisadiyyat Nazirliyinin şəhid olmuş əməkdaşının, habelə torpaqlarımızın azad olunması uğrunda canından keçmiş bütün Şəhidlərin əziz xatirəsi bir dəqiqəlik sükutla yad edilib.

M.Cabbarov Nazirliyin əməkdaşları sağ-salamat yenidən ailəsinə, işinə qayıtması münasibətilə təbrik edib. O, vurğulanıb ki, Prezident, Silahlı Qüvvələrin Ali Baş Komandanı İlham Əliyevin qətiyyəti, müzəffər Ordumuzun şücaəti nəticəsində topraqlarımız işğaldan azad olunub, Azərbaycan Vətən Müharibəsində böyük Zəfər qazanıb. 44 günlük müharibədə tarix yazan rəşadətli Ordumuz, qəhrəman əsgər və zabitlərimiz Azərbaycanın haqq mübarizəsində sarsılmazlığını, qələbə əzmini, hərb meydanında yüksək döyüş məharətini bütün dünyaya nümayiş etdirib.

Nazir Vətən Müharibəsində iştirak edərək milli tariximizə qəhrəmanlıq salnaməsi yazan rəşadətli Ordumuzla, qəhrəman əsgər və zabitlərlə bütün Azərbaycanın fəxr etdiyini, İqtisadiyyat Nazirliyinin döyüşdə xüsusi şücaət göstərən bir qrup əməkdaşının ölkə prezidentinin müvafiq sərəncamları ilə medallarla təltif olunduğunu diqqətə çatdırıb.

M.Cabbarov Nazir dövlət başçısının rəhbərliyi ilə hökumətin Qarabağın işğaldan azad olunmuş ərazilərinin bərpası planları, bölgənin inkişaf strategiyası barədə danışıb. Bildirilib ki, artıq işğaldan azad edilmiş ərazilərdə abadlıq-quruculuq işləri aparılır və bu torpaqlarımıza Böyük Qayıdış başlayır. Mikayıl Cabbarov döyüş meydanında öz sözünü demiş Nazirlik əməkdaşlarının işğaldan azad edilmiş ərazilərin bərpası və yenidən qurulması, Qarabağın dayanıqlı iqtisadiyyata və yüksək rifaha malik regiona çevrilməsinə də öz töhfəsini verəcəklərinə əminliyini ifadə edib.

Nazir müavini Elnur Əliyev isə Vətən Müharibəsində iştirak etmiş nazirlik əməkdaşları barədə məlumat verib. Bildirilib ki, Vətən Müharibəsində İqtisadiyyat Nazirliyinin 131 əməkdaşı iştirak edib, onlardan biri – Asəf Nəsibov şəhid olub.

Görüşdə çıxış edən Asif Nəsibov Vətən Müharibəsində şəhid olmuş qardaşı, İqtisadiyyat Nazirliyinin “Sumqayıt Kimya Sənaye Parkı” MMC-nin əməkdaşı Asəf Nəsibov haqqında xatirələrini danışıb, şəhid və qazi ailələrinə göstərdiyi diqqət və qayğıya görə dövlət başçısına minnətdarlığını bildirib.

İqtisadiyyat Nazirliyinin döyüş əməliyyatlarında iştirak etmiş əməkdaşları - Kamran Umudov, “Cəsur döyüşçü” medalı ilə təltif edilimiş Musa Abbasov, "Cəbrayılın azad olunmasına görə", "Laçının azad olunmasına görə", “Qubadlının azad olunmasına görə” medalları ilə təltif edilmiş Əli Məmmədov, “Füzulinin azad olunmasına görə” və “Qubadlının azad olunmasına görə” medalları ilə təltif olunmuş Araz Ağayev döyüş xatirələrini bölüşüblər.

Görüşün sonunda M.Cabbarov iştirakçılara işlərində uğurlar arzulayıb.

Son xəbərlər

Orphus sistemi