Məzahir Pənahov: "Sosial şəbəkələr olmasaydı, seçkilər məntəqələrin 98%-də yaxşı keçməzdi"

"Biz sosial şəbəkələrə göz yummaqda maraqlı deyilik". 

"Report" xəbər verir ki, bunu Mərkəzi Seçki Komissiyasının bu gün keçirilən iclasında MSK sədri Məzahir Pənahov deyib.

Onun sözlərinə görə, bu, çox gözəl bir vasitədir: “Sosial şəbəkələrin imkanı çox genişdir. Eyni zamanda çox əsaslı bir mənbədir". 

M.Pənahov bildirib ki, sosial şəbəkələr olmasaydı, seçkilər məntəqələrin 98%-də yaxşı keçməzdi.