Məzahir Pənahov: "31 saylı seçki dairəsi ciddi nəzarətdə saxlanılacaq"

"31 saylı Suraxanı ikinci seçki dairəsi ciddi nəzarətdə saxlanılacaq".

“Report” xəbər verir ki, bunu Mərkəzi Seçki Komissiyasının (MSK) iclasında sədr Məzahir Pənahov deyib.

"Səsvermə günü dairədə olan bütün prosesləri ciddi nəzarətdə saxlayacağıq", - MSK sədri əlavə edib.

Xatırladaq ki, bu gün MSK-nın iclasında 31 saylı Suraxanı ikinci seçki dairəsindən deputatlığa namizəd Mehman Hüseynovun həmin dairənin digər namizədi Fərəc Quliyevlə bağlı şikayətinə baxılıb və MSK F.Quliyevə xəbərdarlıq edib.