Yuxarı

Məhkəmə əmrlərinə əməl etməyənlərin ölkədən getmə hüququ məhdudlaşdırılıb

​“İcra haqqında” qanunda dəyişiklik edilib

Bakı. 8 dekabr. REPORT.AZ/ Prezident İlham Əliyev “İcra haqqında” qanunda dəyişiklik edilməsi barədə qanunu imzalayıb. “Report” xəbər verir ki, sənədə əsasən, qanunu “Borclunun ölkədən getmək hüququnun müvəqqəti məhdudlaşdırılması” maddəsinə əlavə edilib.

Belə ki, bundan sonra məhkəmə qərarları ilə yanaşı, məhkəmə əmrləri və vergi orqanlarının pul tələblərinin ödənilməsi ilə bağlı inzibati aktları əsasında verilmiş icra sənədləri könüllü icra üçün müəyyən olunmuş vaxtda borclu tərəfindən üzrsüz səbəbdən icra edilmədikdə, borclunun ölkədən getmək hüququ icra məmurunun əsaslandırılmış təqdimatı əsasında məhkəmənin qərarı ilə müvəqqəti məhdudlaşdırıla bilər. Borclunun ölkədən getmək hüququnun müvəqqəti məhdudlaşdırılması barədə icra məmuru tərəfindən dərhal borclunun özünə, tələbkara və müvafiq icra hakimiyyəti orqanına məlumat verilir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi