TEBAREN rəhbəri: “İranda demokratiya olsaydı, azərbaycanlıların muxtariyyəti olardı”

“İranda demokratiya olsaydı, azərbaycanlıların muxtariyyəti olardı”.

“Report”un xəbərinə görə, bunu Təbriz Araşdırmalar İnstitutunun (TEBAREN) rəhbəri Məmmədrza Heyət Bakıda keçirilən “Cənubi Azərbaycan məsələsi regional və beynəlxalq müstəvidə” adlı dəyirmi masada deyib.

O bildirib ki, hazırda şərtlər tamamilə dəyişib və bizim xeyrimizdir:

“Çünki bu gün İran dünyadan təcrid olunub, xaricdə və daxildə tamamilə nüfuzunu itirib”.

Onun sözlərinə görə, İsrail açıq şəkildə, ABŞ dolayı yolla İranla mübarizə aparır:

“Türkiyə İraqda, Suriyada İranla problemlər yaşayıb. Bu gün Azərbaycanla İran arasında ciddi problemlər var. Lakin burada qorxan tərəf İrandır. İran rejimi yıxılır. İranda demokratiya olsaydı azərbaycanlıların muxtariyyəti olardı”.