Bakı. 20 aprel. REPORT.AZ/ "Xristian dövlətləri daha çox ermənilərin dediyinə inanmağa meyillidirlər, nəinki Azərbaycan tərəfinin təqdim etdiyi faktlara..."
"Report" xəbər verir ki, bunu Azərbaycan Dövlət Memarlıq və İnşaat Universitetinin (ADMİU) rektoru Gülçöhrə Məmmədova "Qədim şərtlər və klassik mənbələr erməni saxtakarlıqlarını və uydurmalarını ifşa edir" mövzusunda keçirilən tədbirdə deyib.
Onun sözlərinə görə, Azərbaycan və azərbaycanlılar bütün sahələrdə güclü olmalıdırlar: "Çünki əsrlər boyu aparılan erməni fitnəkarlığına sinə gərməliyik. Fikrimcə, Müəllif Hüquqları Agentliyi Azərbaycan Milli Elmlər Akademiyasının alimləri ilə birgə çalışmalıdır. Alimlər Azərbaycanın tarixinə aid hər bir şeyin qorunması məsələsində öz qüvvələrini səfərbər etməlidirlər. Bu mövzuların kompleks şəkildə öyrənilməsinə, bu məsələnin həll olunmasına çalışılmalıdırlar".