Gənclər Günü münasibətilə Fəxri Xiyaban və Şəhidlər Xiyabanı ziyarət olunub

2 Fevral - Gənclər Günü münasibətilə Gənclər və İdman Nazirliyi, Gənclər Fondu və gənclər təşkilatlarının nümayəndələri, könüllüləri, üzvləri Fəxri xiyabanı ziyarət ediblər.

Nazirlikdən "Report"a verilən məlumata görə, ümummilli lider Heydər Əliyevin xatirəsi anılıb, məzarı önünə əklil və gül dəstələri qoyulub.

Sonra I və ll Şəhidlər xiyabanlarını ziyarət edən gənclər Azərbaycanın suverenliyi, azadlığı və ərazi bütövlüyü uğrunda canlarından keçmiş qəhrəman şəhidlərin əziz xatirəsini ehtiramla yad edib, məzarları üstünə gül dəstələri qoyublar.