Gəncədə 2 fevral - Gənclər Gününə həsr olunan tədbir keçirilib.
"Report"un Qərb Mərkəzinin məlumatına görə,
Toplantıda Gəncə Şəhər İcra Hakimiyyətinin başçısı Niyazi Bayramov, şəhər ziyalıları, təhsil, səhiyyə, mədəniyyət, idman sahəsində çalışan fəal gənclər və tələbələr iştirak ediblər.
Tədbirdən əvvəl ulu öndər Heydər Əliyevin abidəsi ziyarət olunub, önünə gül dəstələri düzülüb.
Daha sonra tədbir Azərbaycan Respublikasının Dövlət himninin səsləndirilməsi ilə başlayıb.
Gəncləri təbrik edən Niyazi Bayramov ölkədə həyata keçirilən gənclər siyasətindən söz açıb. O bildirib ki, bu əlamətdar tarixi gün ümummilli liderimizin adı ilə bağlıdır:
“Heydər Əliyev gənclər sahəsində dövlət siyasətinin zəruri qanunverici bazasının formalaşmasını təmin edib. Ümummilli liderin formalaşdırdığı gənclər siyasəti bu gün də öz töhfəsini verməkdədir. Ölkə başçısı
Gəncə Şəhər Gənclər və İdman Baş İdarəsinin rəisi vəzifəsini müvəqqəti icra edən Vüsal Mirzəyev də hesabat nitqi ilə çıxış edib. O, 2019-cu ildə gənclərlə iş və idman sahəsində həyata keçirilən layihələrdən söz açıb, əldə olunan uğurlardan danışıb.
Sonra söz gənclərə verilib.
Çıxışlar zamanı 2 fevral - Gənclər Gününün yaranma tarixinə nəzər salınıb, gənclər siyasətinin Azərbaycan dövlətinin ən mühüm fəaliyyət istiqamətlərindən biri olduğu vurğulanıb.
Tədbirdə bir qrup gənc Gəncə şəhərinin ictimai həyatında fəal iştirakına və gənclərlə iş sahəsində səmərəli fəaliyyətinə görə 2 Fevral - Gənclər Günü münasibəti ilə Gəncə Şəhər İcra Hakimiyyəti başçısının Fəxri fərmanı ilə təltif olunub.