Gəncə Şəhər Baş Polis İdarəsinə yeni rəis müavini təyin olunub

Bakı. 5 fevral. REPORT.AZ/ Daxili işlər orqanlarında yeni təyinat olub.

“Report” xəbər verir ki, Binəqədi Rayon Polis İdarəsinin rəis müavini Oktay Süleymanlı vəzifəsindən azad olunaraq Gəncə Şəhər Baş Polis İdarəsinin rəis müavini vəzifəsinə təyin edilib.

Xatırladaq ki, ötən ay Sumqayıt Şəhər Polis İdarəsinin rəisi Əkbər İsmayılov vəzifəsindən azad olunaraq Gəncə Şəhər Baş Polis İdarəsinin rəisi təyin edilib.