Fərid Şəfiyev: "Prezidentin səsləndirdiyi fikirlər əsasında siyasət həyata keçiriləcək"

“Prezident İlham Əliyevin yerli mediaya müsahibəsində yeni məqamlar var. Səsləndirilən fikirlər əsasında müvafiq qurumlar siyasət həyata keçirəcək”.

“Report”un xəbərinə görə, bunu Beynəlxalq Münasibətlərin Təhlili Mərkəzinin İdarə Heyətinin sədri Fərid Şəfiyev rəhbərlik etdiyi qurumda Azərbaycan Prezidenti İlham Əliyevin yanvarın 12-də yerli mediaya verdiyi müsahibəsi zamanı səsləndirilmiş əsas fikirlərə dair açıq müzakirələrdə deyib.

“Prezident qeyd edib ki, hakimiyyətə gələndə beynəlxalq hüquqa ümidi var idi. Beynəlxalq hüquq baxımından Azərbaycanın mövqeyi tam aydın idi. Onlar bizi dəstəkləmişdi. BMT tərəfindən Azərbaycanın ərazi bütövlüyü qəbul edilmişdi. Reallıq ondan ibarətdir ki, hələ də güc hər şeyi həll edir. Ancaq bu o demək deyil ki, beynəlxalq hüquqa əhəmiyyət verməməliyik”.