Yuxarı
    Bağlamaq

    Əli Həsənov: "Siyasi partiyalarla hakimiyyət arasında istənilən mövzu müzakirə oluna bilər"

    Biz gələcəkdə görüşdən-görüşə o məsələləri müzakirə edib bir bəlli fikrə gələcəyik

    Bakı. 12 fevral. REPORT.AZ/ “Siyasi partiyalarla hakimiyyət arasında istənilən mövzu müzakirə oluna bilər. Çünki bu iki institut Azərbaycan cəmiyyətinin faktiki olaraq bugünkü və gələcək idarəçiliyinin, siyasi idarəçiliyinin, ictimai-sosial idarəçiliyinin, daxili-xarici siyasətinin taleyini müəyyən edir”. “Report” xəbər verir ki, bunu Azərbaycan Prezidenti Administrasiyasının İctimai-siyasi məsələlər şöbəsinin müdiri Əli Həsənov bu gün keçirilən iqtidar-müxalifət görüşündə deyib.

    Ə.Həsənov qeyd edib ki, hakimiyyətin siyasi partiyalarla görüşü artıq ənənə halını almaqdadır: "Biz iki ay bundan əvvəl siyasi partiyalarla ilk görüşümüzü keçirdik və bu görüşdə siyasi partiyalar ilə hakimiyyət nümayəndələri arasında gələcək görüşlərin bəzi məsələlərini müzakirə etdik”.

    PA rəsmisi əlavə edib ki, hazırda hakimiyyətdə olan siyasi qüvvə ilə ona müxalif mövqe sərgiləyən siyasi qüvvələr arasında ölkənin, dövlətin, cəmiyyətin bu günü və gələcəyi ilə bağlı istənilən məsələlər müzakirə mövzusu ola bilər: “Mən əminəm ki, burada da siyasi partiya sədrlərindən belə yaxşı ideyalar, yaxşı mövzular təklif olunacaq və biz gələcəkdə görüşdən-görüşə o məsələləri müzakirə edib bir bəlli fikrə gələcəyik”.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi