Yuxarı
    Bağlamaq

    Azərbaycan ordusunun əsgəri şəhid olub, ermənilərin təxribat qrupunun 3 üzvü məhv edilib

    Ermənilər Azərbaycan-Ermənistan dövlət sərhədində növbəti dəfə təxribat törədib

    Bakı. 4 fevral. REPORT.AZ/ Ermənilər Azərbaycan-Ermənistan dövlət sərhədində növbəti dəfə təxribat törədib. 

    Müdafiə Nazirliyinin mətbuat xidmətindən "Report"a verilən xəbərə görə, fevralın 3-də saat 17.50 radələrində Azərbaycan-Ermənistan dövlət sərhədində düşmən təxribatı nəticəsində hərbi qulluqçumuz əsgər Mirzəyev İmran Xudaverdi oğlu şəhid olub.

    Müdafiə Nazirliyinin rəhbərliyi şəhidin yaxınlarına və əzizlərinə dərin hüznlə başsağlığı verir və səbr diləyir.

    Nazirlikdən bildirilib ki, Azərbaycan Silahlı Qüvvələrinin həmin istiqamətdə yerləşən bölmələrinin keçirdiyi əməliyyat tədbirləri nəticəsində təxribat qrupunun 3 nəfər üzvü məhv edilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi